«Гэта баязьлівы акт агрэсіі супраць габрэйскай абшчыны. Габрэі Амстэрдаму ўсё часьцей сутыкаюцца з антысэмітызмам. Гэта непрымальна», — заявіла Халсема. Па словах мэра, у паліцыі ёсьць запісы з камэраў відэаназіраньня, на якіх захаваны чалавек, які ўстанаўлівае выбуховае прыстасаваньне.
Як адзначае агенцтва Reuters, гэтая школа — адзіная ў Нідэрляндах, прызначаная спэцыяльна для артадаксальных габрэяў.
Меры бясьпекі ў сынагогах і габрэскіх установах былі ўзмоцнены пасьля выбуху, які выклікаў пажар у сынагозе ў цэнтры Ратэрдама. Інцыдэнт адбыўся ў ноч на 13 сакавіка, у выніку атакі ніхто не пацярпеў. Як піша The Guardian, падазроныя былі затрыманыя, калі яны праяжджалі міма іншай сынагогі — гэта трое падлеткаў ва ўзросьце 19,18 і 17 гадоў.
9 сакавіка адбыўся выбух у сынагозе ў бэльгійскім горадзе Льеж — будынак атрымаў пашкоджаньні, ніхто не пацярпеў. Мэр Льежа Вілі Дэмеер назваў тое, што адбылося «антысэміцкім актам».
12 сакавіка невядомы паспрабаваў урэзацца на аўтамабілі ў будынак сынагогі «Храм Ізраіля» у навакольлях амэрыканскага горада Дэтройт — нападнік быў застрэлены ахоўнікамі. Яго матыў да гэтага часу невядомы, аднак генэральны пракурор штата Мічыган Дана Нэсэл заявіла, што існуе відавочная сувязь паміж вайной з Іранам і нападам на сынагогу.
ГЛЯДЗІЦЕ ТАКСАМА: Габрэйскія суполкі Эўропы папярэджваюць пра ўзмацненьне антысэмітызму