Гарвыканкам выставіў праект на грамадзкае абмеркаваньне.
Пад будоўлю вылучаць участак плошчай амаль 7,5 га на вуліцы Газьдзецкага. Гэта раён СЭЗ «Берасьце», непадалёк ад Маскоўскага РАУС, піша «БрестСити».
Участак месьціцца ў зоне санітарнай аховы водазабораў «Мухавецкі» пояс 3 і «Аэрапорт» пояс 3.
Праект маштабны: акрамя самой лініі па вытворчасьці асфальтабэтону, тут жадаюць узьвесьці адміністрацыйны корпус, уласныя ачышчальныя збудаваньні і чыгуначную каляіну для падвозу сыравіны (хоць разглядаюць і варыянт безь яе).
Грамадзкія абмеркаваньні пройдуць з 26 сакавіка да 24 красавіка. Азнаёміцца з дакумэнтамі можна на сайце Берасьцейскага гарвыканкаму.
У альтэрнатыўным праекце ёсьць і варыянт пабудовы асфальтабэтоннага заводу без чыгуначных каляінаў.
ГЛЯДЗІЦЕ ТАКСАМА: У Рэчыцы абваліўся асфальт, бо на глыбіні 5 мэтраў прарвала трубу калектару