Мужчыну даставілі ў Мазавецкае аддзяленьне Дэпартамэнту барацьбы з арганізаванай злачыннасьцю і карупцыяй Нацыянальнай пракуратуры ў Варшаве.
А ўжо 10 лютага пракурор абвінаваціў беларуса ва ўдзеле ў дзейнасьці беларускіх спэцслужбаў, паведамляе сайт пракуратуры Польшчы.
Як мяркуе польскае сьледзтва, шпіёнская дзейнасьць гэтага чалавека адбывалася з чэрвеня 2024 году па люты 2026 году ў Польшчы, Нямеччыне і Літве. Ён займаўся выведкай аб’ектаў крытычна важнай інфраструктуры, а таксама аб’ектаў, важных для абароны Польшчы і NATO.
Паўлава Т. дапыталі ў якасьці падазраванага. На гэтым этапе польская пракуратура не раскрывае яго працэсуальную пазыцыю.
11 лютага 2026 году суд задаволіў хадайніцтва пракурора і прызначыў падазраванаму меру стрыманьня ў выглядзе папярэдняга ўтрыманьня пад вартай цягам трох месяцаў. Паводле артыкулу, які інкрымінуюць грамадзяніну Беларусі, яму пагражае пазбаўленьне волі на тэрмін ня менш за 5 гадоў.
Расьсьледаваньне працягваецца.
Арышт і выстаўленьне абвінавачаньняў таксама сталі вынікам супрацы Агенцтва ўнутранай бясьпекі зь нямецкай (BfV) і літоўскай (VSD) службамі выведкі.
Раней у гэтым месяцы стала вядома пра затрыманьне ў Варшаве непасрэдна ў адным з будынкаў Міністэрства абароны грамадзяніна Польшчы, які працаваў у вайсковай сыстэме звыш 30 гадоў. Яго падазраюць у шпіянажы на карысьць КДБ Беларусі і ФСБ Расеі
ГЛЯДЗІЦЕ ТАКСАМА: КДБ Беларусі за мяжой: як вярбуюць, шантажуюць і выкрываюць ГЛЯДЗІЦЕ ТАКСАМА: Меркаваны шпіён ФСБ і КДБ працаваў у Міністэрстве абароны Польшчы больш за 30 гадоў