Вугоршчына будзе блякаваць пакет санкцый Эўразьвязу супраць Расеі, пакуль Украіна не адновіць транзыт расійскай нафты па трубаправодзе «Дружба», заявіў вугорскі міністар замежных спраў Пэтэр Сіярта.
«На заўтрашнім пасяджэньні Рады ЭЗ у замежных справах Эўразьвяз мае на мэце прыняць 20-ы пакет санкцый. Вугоршчына яго заблякуе. Пакуль Украіна не аднавіць транзыт нафты ў Вугоршчыну і Славаччыну па трубаправодзе „Дружба“, мы не дазволім прагрэсу ў прыняцьці важных для Кіева рашэньняў», — напісаў ён у сацыяльнай сетцы X.
На гэтым тыдні прэм’ер-міністар Вугоршчыны Віктар Орбан рэзка адрэагаваў на прыпыненьне паставак нафты нафтаправодам «Дружба», назваўшы дзеяньні Ўкраіны «відавочным палітычным шантажам». Украінскія ўлады кажуць, што рашэньне прадыктавана шкодай, нанесенай расейскім нападам.
ГЛЯДЗІЦЕ ТАКСАМА: Вугоршчына заблякавала крэдыт Эўразьвязу для Ўкраіны ў памеры 90 мільярдаў эўра ГЛЯДЗІЦЕ ТАКСАМА: Орбан паставіў пад сумнеў сувэрэнітэт Украіны ГЛЯДЗІЦЕ ТАКСАМА: Сіярта ў Менску загаварыў па-расейску і выказаў спадзеў, што яго не асудзяць у Брусэлі