Паводле інфармацыі праваабарончага цэнтру «Вясна», агулам у Беларусі за тыдзень затрымалі як мінімум 10 чалавек — частку зь іх арыштавалі на «содні». Інфармацыю пра аблаву на кнігавыдаўцоў пацьвярджаюць і ўласныя крыніцы Свабоды.
У некаторых сем’ях затрымалі па некалькі чалавек. Пры ператрусах ва ўсіх прысутных у кватэрах і кабінэтах правяралі тэлефоны.
Прыходзілі як да супрацоўнікаў дзейных, так і да раней закрытых выдавецтваў. Прычым прэтэнзіі былі як да кіраўнікоў выдавецтваў, так і да звычайных супрацоўнікаў. А таксама да прадпрымальнікаў, якія займаюцца распаўсюдам кніг.
21 лютага стала вядома, што выдавецтва «Тэхналёгія» прыпыніла працу. Паведамленне пра гэта зьявіліся ў фэйсбуку выдавецтва.
«З пэўных прычын выдавецтва „Тэхналёгія“ не працуе».
Ніякіх падрабязнасьцяў спыненьня сваёй працы выдавецтва не падало.
ГЛЯДЗІЦЕ ТАКСАМА: Выдавецтва «Тэхналёгія» прыпыніла працу