Ала, якая жыве ў прытулку і якая на гэтым здымку, ужо зь цяжкасьцю арыентуецца ў рэальнасьці, але яна любіць расказваць пра сваю сям’ю, гаворацца ў апісаньні фатаграфіі на сайце конкурсу.
Конкурс, які праводзіцца часопісам British Journal of Photography у партнэрстве з кампаніяй Nikon, мае на мэце пашырыць галасы жанчын-фатографаў па ўсім сьвеце. Сёлета пераможцамі сталі два праекты і 21 асобнае фота.
Ксенія Галубовіч расказала Радыё Свабода пра гісторыю здымка:
«Сябар падказаў мне гэта месца, калі даведаўся, што я еду ў Харкаў. Гісторыі пра людзей, якія страцілі дом праз акупацыю, вельмі блізкія мне. Я пагаварыла, з кім атрымалася, і зьбіралася сыходзіць. Гэта фота было апошнім. Я выпадкова павярнулася і ўбачыла гэты кадр. І мяне гэта зачаравала».
Гледачы таксама могуць прагаласаваць за гэты здымак у катэгорыі «Выбар людзей» на сайце конкурсу.
Ксенія Галубовіч – дакумэнтальная фатографка і кінэматаграфістка, летась запусьціла на YouTube аўтарскі праект Columbus Post.