У ім кіраўнік МАЗу просіць «садзейнічаць накіраваньню працаўнікоў прадпрыемстваў Міністэрства прамысловасьці для выкананьня пляну першага кварталу 2026 году аўтобусным і тэрмамэханічным заводамі ААТ „МАЗ“».
Як адзначаецца ў паведамленьні BelPol, для выкананьня вытворчага пляну прадпрыемству не хапае 397 супрацоўнікаў, найбольш — сьлесараў мэханазборачных работ, гэта ключавая прафэсія ў зборачнай вытворчасьці.
У BelPol мяркуюць, што названая патрэба ў спэцыялістах — мінімальны парог, патрэбны для працягу дзейнасьці прадпрыемства.
«Пры гэтым пытаньне кваліфікацыі пэрсаналу, мяркуючы па сфармуляваньнях дакумэнту, адыходзіць на другі плян: цяпер задача знайсьці людзей за ўсякую цану, каб не дапусьціць зрыву вытворчасьці і прастояў праз брак працаўнікоў», — адзначылі ў арганізацыі.
МАЗ актыўна супрацоўнічае з вайскова-прамысловым комплексам Расеі.
У прыватнасьці, 6 лютага стала вядома, што ААТ «Міханавіцкі лягістычны цэнтар» выконвае функцыі кампаніі-прыкрыцьця і забясьпечвае закупы для вытворчых лініяў МАЗу і далейшай перадачы ў Расею. За гэтай схемай паставак кампанэнтаў для расейскага вайскова-прамысловага комплексу з Кітаю і Паўночнай Карэі стаіць грамадзянін Беларусі, колішні інжынэр Менскага аўтамабільнага заводу Аляксей Адамовіч.
ГЛЯДЗІЦЕ ТАКСАМА: Ва Ўкраіне раскрылі схему паставак для расейскага ВПК, за якой стаіць інжынэр зь Беларусі