Дата дня
2 лютага 1838 году ў вёсцы Мастаўляны нарадзіўся Кастусь Каліноўскі, кіраўнік нацыянальна-вызвольнага паўстаньня 1863–1864 гадоў, нацыянальны герой Беларусі.
Таксама ў гэты дзень
1348 — бітва на Стрэве (каля Коўна). Войска ВКЛ на чале з Альгердам і Кейстутам пацярпела паразу ад прускага войска. Загінуў між іншых брат Альгерда Нарымонт, князь полацкі.
1386 — у Любліне на вальным сойме Ягайлу абралі каралём Польшчы.
1589 — кароль Жыгімонт ІІІ Ваза пацьвердзіў усе прывілеі Горадні.
1920 — у Тарту падпісаны мірны дагавор, згодна зь якім Савецкая Расея прызнала незалежнасьць Эстоніі.
1943 — капітуляцыя немцаў пад Сталінградам. Заканчэньне Сталінградзкай бітвы.
Бой у Сталінградзе
1946 — адзін узвод з аддзелу «Бурага» ноччу акружыў і спаліў вёску Зані, забіўшы 24 чалавекі (пераважна жанчын, дзяцей і старых, бо дарослыя мужчыны ў той час у хатах не начавалі). Іншы ўзвод «Бурага» спаліў вёску Шпакі, забіўшы ў ёй 9 чалавек.
1968 — дбаньнем Алеся Белакоза адкрыўся літаратурна-этнаграфічны музэй у вёсцы Гудзевічы Мастоўскага раёну.
У гэты дзень нарадзіліся
1494 — Бона Сфорца, каралева польская і вялікая княгіня літоўская, якая ўвайшла ў гісторыю Беларусі маштабнымі аграрнымі рэформамі.
Бона Сфорца
1536 — Пётра Скарга, царкоўны і палітычны дзяяч, рэктар Віленскай акадэміі, ініцыятар Берасьцейскай уніі.
1754 — Шарль Марыс дэ Талейран-Пэрыгор, францускі палітык і дыплямат.
1882 — Джэймз Джойс, ірляндзкі паэт і пісьменьнік, аўтар знакамітага раману «Ўліс».
Джэймз Джойс
1902 — нарадзіўся Станіслаў Грынкевіч, псыхааналітык, грамадзкі і культурніцкі дзяяч, дасьледнік псыхааналізу, ахвяра сталінізму.
1941 (фактычна 1939)— Пётра Садоўскі, мовазнаўца, дэпутат Апазыцыі БНФ у Вярхоўным Савеце 12-га скліканьня, першы амбасадар Беларусі ў Нямеччыне.
1950 — Лявон Дзейка, дэпутат Апазыцыі БНФ у Вярхоўным Савеце 12-га скліканьня, адзін з заснавальнікаў Беларускай сацыял-дэмакратычнай партыі (Народная Грамада).
1957 — Аляксей Ляляўскі, рэжысэр тэатра лялек.
У памяці
483 да н.э. — Сыдгартха Ґаўтама, індыйскі прынц, пасьля пераўвасабленьня — Буда.
Буда ў Камакуры, Японія, фота Ігара Карнея
1746 — Мікалай Фаўстын Радзівіл, дзяржаўны і вайсковы дзяяч ВКЛ.
1892 — памёр Люцыян Крашэўскі, мастак і фатограф, брат Юзафа і ілюстратар ягоных твораў.
1983 — Мікола Прашковіч, беларускі дысыдэнт, літаратуразнаўца, перакладнік, удзельнік нацыянальна-культурніцкага руху 1960–1970-х.
1996 — Алесь Звонак, пісьменьнік, перакладнік, вязень сталінскіх турмаў.