Італьянскі мадэльер Валентына Гаравані, сузаснавальнік дома моды Valentino, памёр ва ўзросьце 93 гадоў.
Адзеньне ад Valentino насілі такія знакамітасьці як Элізабэт Тэйлар, Нэнсі Рэйган, Шэран Стоўн, Джулія Робэртс і Гвінэт Пэлтраў, піша BBC.
Ён сузаснаваў Valentino ў 1960 годзе і атрымаў у прафэсіі высокі статус, разам з такімі мадэльерамі як Джорджыё Армані ці Карл Лагерфэльд.
У заяве, апублікаванай у Instagram, Фонд Валентына Гаравані і Джанкарла Джамэці паведаміў: «Ён мірна памёр у сваім рымскім доме, акружаны любоўю сваёй сям’і».
ГЛЯДЗІЦЕ ТАКСАМА: Памёр італьянскі мадэльер Джорджыё Армані