Інспэктары Рассельгаснагляду спынілі машыну зь беларускай кілбасой у Пскоўскай вобласьці і выявілі два парушэньні.
- Не было суправаджальных дакумэнтаў пра бясьпеку і паходжаньне прадукцыі.
- У машыне адсутнічала халадзільнае абсталяваньне.
З гэтых прычынаў кілбасу вярнулі назад у Беларусь, паведаміла Паўночна-Заходняе міжрэгіянальнае ўпраўленьне Рассельгаснагляду.
Навіну ведамства праілюстравала здымкам скрыні варанай кілбасы, зробленай у Ваўкавыску.
У той жа дзень Рассельгаснагляд вярнуў у Беларусь амаль 7 тонаў салатаў, бо знайшоў у іх насякомае-шкодніка — заходняга кветкавага трыпса, паведаміў «Позірк». Ледзь бачнага, але небясьпечнага для сельскай гаспадаркі.
6 студзеня Рассельгаснагляд не дазволіў правезьці ў Расею 24 каровы, бо ў перавозьніка не было патрэбных вэтэрынарных дакумэнтаў.
ГЛЯДЗІЦЕ ТАКСАМА: Перад сьвятамі зь Беларусі ў Расею хлынула харчовая кантрабанда