Адпаведную пастанову падрыхтавалі ў Міністэрстве падаткаў і збораў.
З 1 сакавіка 2026 году ў Беларусі пад кантроль возьмуць яшчэ больш бытавой тэхнікі.
Міністэрства падаткаў і збораў папярэдзіла аб пашырэньні пераліку тавараў, якія падлягаюць адсочваньню. Гэта значыць, што рух гэтых пазыцый — ад увозу да продажу — павінен будзе адлюстроўвацца ва ўліку.
У сьпіс трапілі як новыя, так і некаторыя ўжываныя тавары.
Пад кантроль трапяць пральныя машыны і тэлевізары, уключна з ужыванымі, а таксама новая тэхніка: кухонныя камбайны, мультываркі, посудамыйныя машыны, мікрахвалёўкі, пліты і варачныя паверхні, пыласосы, прасы, імбрыкі, дрылі і фэны.