Мэдыямэнэджар Канстанцін Залатых пераехаў зь Беларусі ў Варшаву, вынікае з публікацыі на яго старонцы ў «Фэйсбуку».
Пра выхад на волю Залатых стала вядома 23 кастрычніка. Ён цалкам адбыў тэрмін зьняволеньня.
Дырэктара недзяржаўнай газэты «Беларусы і рынак» затрымалі 18 траўня 2022 году. 6 красавіка 2023 году яго асудзілі на 4 гады пазбаўленьня волі паводле чатырох артыкулаў крымінальнага кодэксу:
- перавышэньне ўлады або службовых паўнамоцтваў (ч. 2 арт. 426),
- распальваньне расавай, нацыянальнай, рэлігійнай альбо іншай сацыяльнай варожасьці або варажнечы (ч. 2 арт. 130),
- абраза прэзыдэнта (ч. 1 арт. 368),
- абраза прадстаўніка ўлады (арт. 369).
Праваабаронцы прызналі яго палітвязьнем.
У ліпені 2023 году яго ўнесьлі ў сьпісы «тэрарыстаў» і «экстрэмістаў».
У тым жа месяцы яго адправілі ў Наваполацкую калёнію.
Паводле зьвестак БАЖ, у няволі цяпер знаходзіцца 28 прадстаўнікоў СМІ.
ГЛЯДЗІЦЕ ТАКСАМА: Выйшаў на волю дырэктар выданьня «Белорусы и рынок» Канстанцін Залатых ГЛЯДЗІЦЕ ТАКСАМА: За кратамі, бо журналісты