Стваральнікі разьдзелу пішуць, што там можна знайсьці карысныя парады наконт афіцыйных фармальнасьцяў, доступу да выплат, магчымасьцяў працаўладкаваньня, вядзеньня гаспадарчай дзейнасьці ці адукацыі дзяцей.
«Увесь апублікаваны зьмест мае афіцыйны характар і быў падрыхтаваны на падставе дзейных прававых нормаў, а таксама інфармацыі, прадастаўленай польскімі дзяржаўнымі ўстановамі. Наша мэта — палягчэньне штодзённага функцыянаваньня і інтэграцыі грамадзян Беларусі ў Польшчы».
На нядаўняй канфэрэнцыі ў Вільні, прысьвечанай сытуацыі беларусаў за мяжой, юрыстка Алеся Пажыток расказала, што цяпер каля 91 тысячы беларусаў жывуць у Польшчы паводле часовага віду на жыхарства, а каля 42 тысяч атрымалі трывалы дазвол на пражываньне і працу. Статус уцекача маюць каля тысячы беларусаў, 10,5 тысячы падаліся на міжнародную абарону.
ГЛЯДЗІЦЕ ТАКСАМА: Беларусы занялі другое месца ў нараджальнасьці сярод іншаземцаў у ПольшчыСтварэньне такога сэрвісу ініцыяваў намесьнік кіраўніцы Аб’яднанага пераходнага кабінэту, кіраўнік Народнага антыкрызіснага ўпраўленьня (НАУ) Павал Латушка ў часе яго сустрэчы ў Канцылярыі прэм’ера Польшчы.
Як адзначаецца ў Telegram-канале Паўла Латушкі, гэты сэрвіс стаў вынікам супольнай паўгадавой працы. Сэрвіс накіраваны на тое, каб прадстаўляць максымальна шырокую інфармацыю па пытаньнях легалізацыі для беларусаў, якія вымушана пакінулі Беларусь і знаходзяцца на тэрыторыі Польшчы.
ГЛЯДЗІЦЕ ТАКСАМА: Вызваленьне беларускіх палітвязьняў і спыненьне вайны ва Ўкраіне неразрыўна зьвязаныя, — польскі палітоляг Казанэцкі