«У цэлым абмяркоўваецца ўзьвядзеньне трэцяга блёку ў выглядзе копій, якія ўсталяваныя на Беларускай АЭС — гэта блёкі магутнасьцю 1200 МВт», — сказаў Дзяніс Мароз.
Паводле яго, беларуская энэргасыстэма будзе падрыхтаваная да інтэграцыі трэцяга блёку ўжо ў 2035 годзе. «У цэлым мы абмяркоўваем пэрыяд уключэньня трэцяга блёку ў беларускую энэргасыстэму ў 2035-2038 гадах», — удакладніў ён.
Міністар энэргетыкі паведаміў, што ўжо адбылося першае пасяджэньне створанай супольна з расейцамі працоўная група па падрыхтоўцы рамкавай дамовы, якая вызначыць умовы і парамэтры блёку.
Апроч таго, паводле яго, супольна з кіраўніцтвам дзяржаўнай карпарацыі Расеі «Расатам» абмяркоўваюцца фінансавыя, тэхналягічныя і арганізацыйныя аспэкты гэтага праекту, а паралельна ідзе работа па вывучэньні пэрспэктыў будаўніцтва ў Магілёўскай вобласьці другой атамнай станцыі.
Дзяніс Мароз дадаў, што будаўніцтва пункта захаваньня радыеактыўных адыходаў таксама будзе адбывацца супольна з Расеяй.
ГЛЯДЗІЦЕ ТАКСАМА: Лукашэнка вызначыў генэральных праектавальніка і падрадніка будаўніцтва сховішча радыяактыўных адкідаў