У Менску з абсэрваторыі гарадзкога плянэтарыя дэмантавалі стары купал.
На яго месцы неўзабаве зьявіцца сучасная канструкцыя з поўным кручэньнем і спэцыяльнымі створкамі для назіраньняў, праект якой распрацуюць і вырабяць у Маскве, паведамляе агенцтва «Минск-Новости» са спасылкай на «Менскбуд».
Абсэрваторыя, пабудаваная у 1967 годзе, зьяўляецца помнікам архітэктуры позьняга мадэрнізму. Гэта цыліндрычная пабудова вышынёй 12 м з клясычным для свайго часу купалам дыямэтрам 5,5 м. Унутры, на верхнім узроўні, куды вядзе вінтавая лесьвіца, быў устаноўлены ўнікальны тэлескоп Carl Zeiss 1950/130, яго часова павезьлі з абсэрваторыі да заканчэньня рэканструкцыі.
Плянэтарый у Менску. 2018 год
Плянэтарый у Менску у парку імя Максіма Горкага быў адчынены ў 1965 годзе.
ГЛЯДЗІЦЕ ТАКСАМА: Фільмы для плянэтарыяў з 22 краінаў сьвету прывезьлі ў Менск на міжнародны фэстываль ГЛЯДЗІЦЕ ТАКСАМА: Менскі плянэтарый пакажа сфэрычныя мультфільмы на беларускай мове