Паліцыя польскага гораду Жэшаў паведаміла аб дарожна-транспартным здарэньні з удзелам турыстычнага аўтобуса, у якім былі 47 грамадзян Беларусі, 14 зь іх з траўмамі шпіталізаваныя.
У паведамленьні адзначаецца, што а 7-й раніцы 15 сьнежня кіроўца праехаў праз газон на колавай разьвязцы і выехаў на ўзбочыну дарогі.
Паліцыя папярэдне вызначыла, што 34-гадовы кіроўца аўтобуса, грамадзянін Беларусі, ехаў маршрутам у кірунку Жэшава і, імаверна, заснуў.
Грамадзяне Беларусі накіроўваліся ў Вугоршчыну.
Супрацоўнікі паліцыі высьветлілі, што абодва кіроўцы (другім быў грамадзянін Польшчы, ён адпачываў у момант здарэньня) былі цьвярозыя.
ГЛЯДЗІЦЕ ТАКСАМА: Грамадзянка Беларусі ў цяжкім стане пасьля аварыі аўтобуса ў Тайляндзе