«Нядаўна ён пагадзіўся зрабіць усё магчымае, каб спыніць запуск паветраных балёнаў», — цытуе Джона Коўла агенцтва Reuters.
Праз палёты гэтых шароў неаднаразова закрывалі аэрапорты Вільні і Коўна. Літва лічыць палёты гібрыднымі атакамі з боку Беларусі і абвясціла ў сувязі з гэтым «экстрэмальнае становішча».
«Я лічу, што прэзыдэнт Беларусі шчыра спрабуе супакоіць сытуацыю. Я думаю, што гэта зойме некаторы час, але я думаю, што гэта можна вырашыць. Ён хоча нармальных адносін са сваімі суседзямі — так ён мяне запэўнівае», — сказаў Коўл.
«Я ведаю, што Літва зрабіла ўсё магчымае, каб спыніць атрымальнікаў цыгарэт ці чаго там яшчэ. Таму я думаю, што абодва бакі працуюць», — дадаў ён.
Старшыня Эўракамісіі Урзуля фон дэр Ляен 1 сьнежня назвала ўварваньні паветраных шароў «гібрыднай атакай» з боку Беларусі, што, паводле яе, «абсалютна непрымальна».
13 сьнежня пасьля сустрэчы Аляксандра Лукашэнкі з Джонам Коўлам вызвалілі 123 палітычных зьняволеных. Большасьць зь іх вывезьлі ва Ўкраіну.
У турмах і сьледчых ізалятарах Беларусі ўтрымліваецца больш за 1100 чалавек, якіх праваабаронцы лічаць палітычнымі зьняволенымі.
ГЛЯДЗІЦЕ ТАКСАМА: Пасьля сустрэчы Лукашэнкі з прадстаўнікамі ЗША ў Беларусі вызвалілі 123 палітычных зьняволеных. Сьпіс з прозьвішчамі 121 вызваленага ГЛЯДЗІЦЕ ТАКСАМА: Джон Коўл: Магчыма, празь некалькі месяцаў мы вызвалім 1000 чалавек