Інфляцыя ўжо вышэйшая за прагнозны паказьнік на гэты год, ухвалены ўрадам Беларусі, — 5 працэнтаў.
Як паведамляе Белстат, цэны ў Беларусі з пачатку году павысіліся на 6,5%.
Працягваюць даражэць харчовыя тавары — за месяц падаражэлі на 0,8%, а з пачатку году — на 8,1%. Фактычна спыніўся рост цэн на паслугі — за месяц яны падаражэлі на 0,1%, але з пачатку году цэны на іх вырасьлі на 7,7%.
Стрымлівае інфляцыю больш марудны рост цэн на прамысловыя тавары — з пачатку году яны падаражэлі на 2,8%, а за месяц толькі на 0,02%.
Паводле прагнозаў ураду, інфляцыя сёлета мела скласьці ня больш за 5%.
ГЛЯДЗІЦЕ ТАКСАМА: Як «зьнішчаная» Літва пераўзыходзіць «квітнеючую» Беларусь у сацыяльна-эканамічным разьвіцьці. Інфаграфіка ГЛЯДЗІЦЕ ТАКСАМА: У Беларусі расьце інфляцыя. Што ў кастрычніку падаражэла найбольш