Позна ўвечары 16 сакавіка на самалёце «Белавія», які выконваў рэйс з Масквы ў Менск, адмовіла сыстэма TCAS — гэтая сыстэма аглядае прастору вакол самалёту і папярэджвае аб імавернасьці сутыкненьня зь іншымі паветранымі суднамі.
Як паведамляе Telegram-канал @aviaincident, аб гэтым а 23:28 маскоўскага часу паведаміў экіпаж, калі самалёт быў на вышыні 26900 футаў на поўдзень ад Ржэва.
Камандзір экіпажу ўхваліў рашэньне працягваць палёт, а 0:35 самалёт прызямліўся ў Менску, дапамога па прыбыцьці не спатрэбілася.
Самалёт ERJ-175 выконваў рэйс BRU916 з маскоўскага аэрапорту «Шарамецьева» ў Менск.
ГЛЯДЗІЦЕ ТАКСАМА: Украінская выведка: праз санкцыі небясьпека палётаў цывільнай авіяцыі Расеі павялічылася ўтрая