Пра гэта інфармуе «Голас Амэрыкі».
Трамп таксама паведаміў, што падпіша ўказ, у якім даручыць кіраўніцы Міністэрства юстыцыі Пэм Бондзі стварыць мэтавую групу дзеля барацьбы з антыхрысьціянскімі забабонамі ў структурах фэдэральнага ўраду.
Задачай гэтай групы будзе «неадкладнае спыненьне ўсіх форм антыхрысьціянскага цкаваньня і дыскрымінацыі ў фэдэральным урадзе, уключаючы Міністэрства юстыцыі, падатковую службу, ФБР і іншыя агенцтвы», — растлумачыў Трамп.
«Мы павінны вярнуць рэлігію... Амэрыка ёсьць і навекі застанецца адзінай краінай, якую вядзе Бог», — сказаў прэзыдэнт ЗША.
Беручы ўдзел у Нацыянальным малітоўным сьняданку ў Капітоліі, Трамп прытрымліваецца больш як 70-гадовай традыцыі. Мерапрыемства закліканае аб’ядноўваць людзей, якія прытрымліваюцца розных палітычных поглядаў і знаходзяцца ў розных партыях.