Дзень у гісторыі
1401 — заключаная Віленска-Радамская унія, скіраваная на збліжэньне ВКЛ і Польшчы.
1654 — Пераяслаўская рада прыняла рашэньне аб далучэньні Ўкраіны да Расеі.
1871 — у Вэрсальскім палацы пад Парыжам, па заканчэньні прайгранай французамі франка-прускай вайны, абвясьцілі стварэньне Нямецкай імпэрыі.
1918 — адкрылася першае і адзінае пасяджэньне Ўсерасейскага Ўстаноўчага сходу ў Петраградзе, які на наступны дзень быў разагнаны бальшавікамі.
1919 — пачалася Парыская мірная канфэрэнцыя, якая падсумавала вынікі Першай сусьветнай вайны і паспрыяла стварэньню новай сыстэмы міжнародных адносін.
«Вялікая чацьвёрка» на Вэрсальскай канфэрэнцыі (зьлева направа): прэм'еры Вялікай Брытаніі — Дэвід Лойд Джордж, Італіі — Эманюэль Арлянда, Францыі — Арыстыд Брыян і прэзыдэнт ЗША Вудра Вільсан, 1919
1921 — заснаванае Дзяржаўнае выдавецтва Беларусі.
1940 — указам Прэзыдыюму ВС БССР у Беластоцкай, Баранавіцкай, Берасьцейскай, Вілейскай і Пінскай абласьцях БССР замест паветаў утвораны 101 раён.
У гэты дзень нарадзіліся
1689 — Шарль Люі дэ Мантэск’ё, францускі правазнаўца і філёзаф.
Шарль Люі дэ Мантэск’ё
1882 — Алан Аляксандар Мілн, ангельскі пісьменьнік, аўтар аповесьцяў пра Віні-Пуха.
1882 — Ёсіф Лангбард, архітэктар, аўтар праектаў будынкаў Дому ўраду, Акадэміі навук, Опэрнага тэатру ў Менску і іншых.
Ёсіф Лангбард
1895 — Лявон Більдзюкевіч, аўтар «Нашай Нівы», удзельнік адраджэньня 1900 — 1920 гадоў пэдагог, матэматык, грамадзкі дзяяч, ахвяра сталінізму. Арыштаваны ў 1938 годзе, памёр на Калыме.
1912 — Пётра Сыч, пісьменьнік, журналіст, вязень ГУЛАГу, супрацоўнік Беларускай службы Радыё Свабода.
Першыя журналісты Беларускай службы Радыё Свабода: Сымон Кабыш, Пётра Сыч, Лявон Карась, Вінцэнт Жук-Грышкевіч
1936 — Васіль Сёмуха, перакладчык мастацкай літаратуры, удзельнік нацыянальна-культурніцкага руху 1970–1980-х і нацыянальна-дэмакратычнага руху 1980-х — пачатку ХХІ стагодзьдзя.
У памяці
1936 — Рэд’ярд Кіплінг, ангельскі празаік і паэт, ляўрэат Нобэлеўскай прэміі (1907).
Рэд'ярд Кіплінг
1984 — Панцеляймон Панамарэнка, кіраўнік савецкай Беларусі.
2011 — Віталь Тарас, беларускі журналіст, супрацоўнік Радыё Свабода, сын пісьменьніка Валянціна Тараса.
Віталь Тарас
2023 — Леакадзія Шышэя, дзяячка паваеннага супраціву, ахвяра сталінскіх рэпрэсіяў.
ГЛЯДЗІЦЕ ТАКСАМА:
Памерла ўдзельніца беларускага антысавецкага супраціву Леакадзія Шышэя