Дата дня
8 лістапада 1883 году нарадзіўся Вацлаў Ластоўскі, выбітны беларускі навуковец, выдавец, пісьменьнік, акадэмік Акадэміі навук Беларусі, публіцыст і палітычны дзяяч, прэм’ер-міністар БНР.
У 1910 годзе Ластоўскі выдаў «Кароткую гісторыю Беларусі» — першую кнігу, у якой была спроба абгрунтаваць беларускі характар Вялікага Княства Літоўскага. Быў адным з найбольшых прапагандыстаў назвы «Крывія» для Беларусі і «крывіцкая» для беларускай мовы. Аўтар выданьня «Падручны расійска-крыўскі (беларускі) слоўнік», займаўся таксама пытаньнямі беларускага правапісу.
ГЛЯДЗІЦЕ ТАКСАМА:
Улады прызналі «экстрэмісцкімі» выбраныя творы Вацлава Ластоўскага і Алеся Петрашкевіча
Дзень у гісторыі
324 — рымскі імпэратар Канстантын Вялікі на месцы грэцкага гораду Бізантыюм заснаваў Канстантынопаль.
1620 — у часе Трыццацігадовай вайны адбылася бітва на Белай Гары, якая на некалькі стагодзьдзяў пазбавіла Чэхію незалежнасьці.
1895 — Вільгельм Рэнтген вынайшаў від радыяцыі, названы пазьней рэнтгенаўскімі або X-промнямі.
Вільгельм Рэнтген
1923 — «піўны путч» у Мюнхэне, спроба захопу ўлады нацыстамі ў Ваймарскай Нямеччыне.
1929 — адкрыцьцё Менскага заводу мэдычных прэпаратаў.
1939 — у Менску адкрылася Дзяржаўная карцінная галерэя.
1956 — адкрыцьцё Музэю абароны Берасьцейскай фартэцыі.
Берасьцейская фартэцыя
2016 — выбары прэзыдэнта ЗША, абраны Дональд Трамп.
Дональд Трамп
2020 — падчас мірнага маршу АМАП арыштаваў Вольгу Хіжынкову, міс Беларусі-2008. Яна правяла за кратамі 42 дні.
Вольга Хіжынкова
2021 — Вярхоўны суд ліквідаваў Таварыства беларускай мовы.
Будынак у Менску, у якім 30 гадоў месьцілася сядзіба Таварыства беларускай мовы
2023 — суд Жыткавіцкага раёну прызнаў «экстрэмісцкімі матэрыяламі» двухтамовы збор твораў Вінцэнта Дуніна-Марцінкевіча «Драматычныя творы, вершаваныя аповесьцi i апавяданьнi», выдадзены ў 2007–2008 гадах дзяржаўным выдавецтвам «Мастацкая літаратура».
ГЛЯДЗІЦЕ ТАКСАМА:
«Я б рагатаў, калі б гэта не было так сумна». Літаратуразнаўца тлумачыць, чаму ўлада баіцца Дуніна-МарцінкевічаУ гэты дзень нарадзіліся
1050 — Сьвятаполк Ізяслававіч, князь полацкі, тураўскі, вялікі князь кіеўскі.
1784 — Тодар Нарбут, гісторык, археоляг, вайсковы інжынэр. Як гісторык Нарбут вядомы сваёй дзевяцітамовай «Гісторыяй літоўскага народу».
1785 — Міхал Баброўскі, беларускі славіст, прафэсар Віленскага ўнівэрсытэту, уніяцкі сьвятар.
Міхал Баброўскі
1847 — Брэм Стокер, ангельскі пісьменьнік, праславіўся раманам «Дракула».
Замак Дракулы каля Бухарэсту
1858 — Тадэвуш Урублеўскі, адвакат, удзельнік руху краёўцаў. Падарыў Вільні свой кнігазбор, цяпер — бібліятэка АН Літвы, носіць ягонае імя.
1867 — Панцялеймон (Ражноўскі), мітрапаліт, у часе 2-й сусьветнай вайны ўзначальваў праваслаўную царкву ў Беларусі.
1902 — Несьцер Сакалоўскі, кампазытар, аўтар музыкі гімну БССР, а цяпер Рэспублікі Беларусі.
1908 — Міхась Багун, паэт, ахвяра сталінізму.
1941 — Міхась Гурын, беларускі археоляг і гісторык.
У памяці
1847 — Казімер Чарноўскі, адзін зь першых вынаходнікаў падводнага карабля.
1886 — Аляксандар Рыпінскі, паэт, фальклярыст, вынаходнік літары «ў», мастак, выдавец, удзельнік вызвольнага паўстаньня 1831 г., палітычны эмігрант.
1953 — Іван Бунін, расейскі пісьменьнік і паэт, ляўрэат Нобэлеўскай прэміі ў літаратуры.
Іван Бунін
1964 — Валянцін Волкаў, народны мастак Беларусі.
2010 — Міхаіл Савіцкі, беларускі мастак.
«Партызанская мадона», фрагмэнт карціны Міхаіла Савіцкага