Аляксандар Лукашэнка вярнуўся з Масквы і ўдзельнічае ў цырымоніі ўскладаньня кветак да помніка Перамогі ў Менску пад мэлёдыю песьні «Радзіма мая дарагая».
Раней сёньня Лукашэнка быў на Краснай плошчы ў Маскве, дзе адбываўся вайсковы парад з нагоды 79-й гадавіны заканчэньня Другой усясьветнай вайны. Аляксандар Лукашэнка прыбыў туды разам зь іншымі кіраўнікамі краін СНД і Ўладзімірам Пуціным.
Сёлета ўсясьветная супольнасьць адзначае 79 гадоў зь дня заканчэньня Другой усясьветнай вайны ў Эўропе. У Нямеччыне імпрэзы праводзяцца 8 траўня, ва Ўкраіне — 8 і 9 траўня, а ў Расеі і большасьці іншых краін былога СССР — 9 траўня праз розьніцу ў часе пры падпісаньні дамовы аб капітуляцыі нацысцкай Нямеччыны.
Ужо трэці раз памятныя мерапрыемствы праводзяцца на тле агрэсіўнай вайны Расеі супраць Украіны.
ГЛЯДЗІЦЕ ТАКСАМА:
У Маскве прайшоў вайсковы парад да Дня Перамогі, Лукашэнка прыехаў са сваім шпіцам