Прадстаўнік Міністэрства замежных спраў Таджыкістану паведаміў, што па стане на канец дня 27 красавіка ў зоне часовага ўтрыманьня грамадзян Міжнароднага аэрапорту Ўнукава расейскай сталіцы «без забесьпячэньня належных санітарных умоў» знаходзіліся 954 чалавекі, таджыцкія грамадзяне.
Раней МЗС Таджыкістану рэкамэндавала грамадзянам краіны «часова ўстрымацца ад паездак на тэрыторыю Расеі на ўсіх відах транспарту бяз вострай неабходнасьці».
Міністар замежных спраў Таджыкістану Сіроджыдзін Мухрыдзін у красавіку заявіў, што «непрадуманая інфармацыйная кампанія» ў Расеі фармуе «нэгатыўнае ўспрыманьне ў дачыненьні да грамадзян Таджыкістана і таджыкаў». Грамадзяне Таджыкістану і іншых краін Цэнтральнай Азіі сутыкнуліся з новай хваляй ксэнафобіі ў Расеі пасьля тэракту ў падмаскоўным гандлёва-забаўляльным цэнтры «Крокус Сіці Хол». Большасьць арыштаваных падазраваных у справе — грамадзяне Таджыкістану.
ГЛЯДЗІЦЕ ТАКСАМА: Кіраўнік МЗС Таджыкістану заклікаў Расею не катаваць падазраваных у нападзе на «Крокус», Лаўроў заявіў іншае