24 сакавіка ў Варшаве на пляцоўцы Беларускай прасторы «Робім Разам» адкрылася выстава арыгінальных карцін Алеся Пушкіна. Усяго дэмаструецца паўтара дзясятка твораў — гэта карціны зь дзьвюх прыватных калекцый і аднаго ўнівэрсытэту: партрэты гістарычных дзеячаў, пэйзажы.
«Хмары над замкам»
На выставе выступілі польскія сябры Алеся Пушкіна — мэцэнат Войцех Гурэцкі, гісторык мастацтва Раман Постэк, і таксама віцебскі калега, мастак Эдвард Галустаў. Прагучала шмат цёплых словаў і кранальных успамінаў пра беларускага мастака, які заўчасна памёр у беларускай турме.
Войцех Гурэцкі
Раман Постэк
Эдвард Галустаў
Сярод наведнікаў выставы — палітык Зянон Пазьняк з жонкай Галінай Вашчанкай, шмат моладзі, творчых асобаў.
Зянон Пазьняк
Уладальнікі задарма прадаставілі карціны на выставу на тры тыдні.
«Сьвяты Андрэй Баболя», 2014 год.
Партрэт удзельніка «Вэнгроўскіх Тэрмапілаў», 2009 год.
ГЛЯДЗІЦЕ ТАКСАМА: Алесь Пушкін — «Чалавек Cвабоды – 2023»