Пра гэта сьведчаць дадзеныя сэрвісу Downdetector, які адсочвае працу папулярных інтэрнэт-рэсурсаў.
76% карыстальнікаў Facebook, якія паведамілі пра непаладкі, адчуваюць цяжкасьці з уваходам. 62% карыстальнікаў Instagram сутыкаюцца з праблемай працы праграмы. Больш за ўсё скаргаў паступае з ЗША.
Пра збоі ў функцыянаваньні Facebook ужо паведамілі амаль 540 тысяч чалавек, а ў Instagram — больш за 84 тысячы.
У кампаніі Meta, якой належаць абедзьве сацыяльныя сеткі, патлумачылі збой тэхнічнымі праблемамі і заявілі, што іх ужо вырашылі.
Бліжэй да 8 гадзін праца сэрвісаў пачала аднаўляцца.
У шэрагу карыстальнікаў адначасова са збоямі ў сэрвісах Meta аказаліся недаступныя і некаторыя сэрвісы Google, у тым ліку YouTube. Аднак скаргаў на непаладкі было ў дзясяткі разоў менш, чым на непаладкі Instagram і Facebook. Таксама ад карыстальнікаў прыходзілі скаргі на працу месэнджэра WhatsApp і сацсеткі Threads, аднак іх значна менш.
ГЛЯДЗІЦЕ ТАКСАМА: Фэйсбук і Інстаграм перажылі «чорную сераду»