Суд над Дзіянай Завадзкай пачаўся 26 лютага ў Берасьцейскім абласным судзе, паведамляе Вясна. Яе абвінавачваюць паводле двух артыкулаў Крымінальнага кодэксу: «Грубае парушэньне грамадзкага парадку» (арт. 342); «Фінансаваньне ці іншае матэрыяльнае забесьпячэньне ваенных канфліктаў» (ч. 2 арт. 361-3).
Справу ў закрытым рэжыме прызначылі разглядаць судзьдзю Мікалая Сянько.
ГЛЯДЗІЦЕ ТАКСАМА: Хроніка перасьледу 23 лютага: затрымалі пастара з Новалукомля, які маліўся за ЎкраінуПаводле другога артыкула ёй пагражае ад 5 да 10 гадоў калёніі.
Дзіяна Завадзкая працуе ў EPAM, узначальвае там каманду тэставальнікаў. Яна перайшла ў IT з маркетынгу, працуе ў гэтай сфэры ўжо больш за 7 гадоў.
Пасьля пачатку вайны Дзіяна разам з сынам, якому цяпер 7 гадоў, выехала ў Тбілісі. У нейкі момант яна вырашыла вярнуцца ў Беларусь, хоць час ад часу выяжджала за мяжу. У яе Instagram ёсьць фота з Варшавы, якое датуецца 29 чэрвеня 2023 году, праз тры дні быў апублікаваны здымак зь Мірскага замку. А пасьля жанчына зьнікла з сацыяльных сетак.
ГЛЯДЗІЦЕ ТАКСАМА: Амаль 1700 затрыманых, дзясяткі выракаў ад 1 да 23 гадоў турмы. Як беларусаў каралі за салідарнасьць з Украінай- Апошнім часам у Беларусі ўсё часьцей затрымліваюць і судзяць паводле крымінальнага артыкула «фінансаваньне вайны» беларусаў, якія тым ці іншым спосабам дапамагалі Ўкраіне і беларускім добраахвотнікам, што ваююць на баку Ўкраіны. Шмат у якіх выпадках беларусаў затрымлівалі па вяртаньні з-за мяжы.
- Пры гэтым тых беларусаў, якія купляюць дапамогу для вайскоўцаў Расеі, не чапаюць. Займаецца гэтым нават афіцыйная праваслаўная царква – Сьвята-Лізавецінскі манастыр штомесяц купляе па аўтамабілі для вайскоўцаў з Расеі.