Прэзыдэнт Шры-Лянкі Раніл Вікрэмэсінгхе абвясьціў амністыю больш чым 1000 асуджаным і вызваліў іх з турмаў па ўсёй краіне да сьвяткаваньня Каляд, паведаміў прадстаўнік турмы, піша Агенцыя France-Presse.
Шры-Лянка — большасьць будыстаў, і такая ж колькасьць асуджаных была вызвалена ў траўні, каб адзначыць сьвята Весак, якое адзначае нараджэньне, прасьвятленьне і сьмерць Буды.
Апошняе памілаваньне адбылося пасьля таго, як паліцыя арыштавала амаль 15 000 чалавек падчас тыднёвай акцыі па барацьбе з наркотыкамі пры падтрымцы вайскоўцаў.
У заяве паліцыі гаворыцца, што 13 666 падазраваных былі арыштаваныя, а амаль 1100 наркаманаў затрыманыя і адпраўленыя на прымусовую рэабілітацыю ў вайсковыя ўстановы.
Турмы астраўной дзяржавы хранічна перапоўненыя.
Па стане на пятніцу, 22 сьнежня паводле афіцыйных дадзеных, у памяшканьнях, прызначаных для ўтрыманьня 11 000 чалавек, знаходзілася амаль 30 000 зьняволеных.
ГЛЯДЗІЦЕ ТАКСАМА:
Парлямэнт Шры Лянкі прыняў адстаўку прэзыдэнта краіныГЛЯДЗІЦЕ ТАКСАМА:
У М’янме хунта памілавала Нобэлеўскую ляўрэатку Аўн Сан Су Чы. Аднак толькі часткова