Фатаздымкі загінулых кіраўнікоў расейскай прыватнай вайсковай кампаніі Яўгенія Прыгожына і Дзьмітрыя Уткіна зьявіліся 28 верасьня ля манумэнту савецкім воінам-вызваліцелям на плошчы Паўстаньня ў Гомлі.
Як паведамляе рэгіянальнае выданьне «Флагшток», гамельчукі ў сацсетках назвалі акцыю правакацыяй і апаганьваньнем помніка.
Гомельская міліцыя інцындэнт пакуль не камэнтавала.
- Заснавальнік ПВК «Вагнэр» Яўгеній Прыгожын з паплечнікамі загінуў 23 жніўня у разьбітым самалёце пад Цьверам, паведаміла Расавіяцыя.