Падчас пажару ў чавускім філіяле ААТ «Бабушкина крынка» загінуў галоўны інжынэр, паведаміла БелТА афіцыйны прадстаўнік УСК па Магілёўскай вобласьці Тацяна Старасотнікава.
«Падчас лякалізацыі пажару ратавальнікі МНС знайшлі цела галоўнага інжынэра — 62-гадовага мясцовага жыхара», — сказала яна.
Паведамленьне аб узгараньні ў цэху сухіх сумесяў філіялу «Чавускі» ААТ «Бабушкина крынка» паступіла ратавальнікам 21 чэрвеня ў 13.31, піша прэс-служба МНС Беларусі.
Папярэдне ўстаноўлена, што ў цэху прадпрыемства рабочыя іншай арганізацыі дэмантавалі трубы. Праз пажар у цэху, дзе знаходзіцца каля 450 тон сухой малочнай сумесі, часткова абрынуўся дах.
Цяпер на месцы здарэньня працуе сьледча-апэратыўная група, прычына пажару высьвятляецца.
ГЛЯДЗІЦЕ ТАКСАМА:
«Выбух быў, як бомба ўпала». На Сьветлагорскім цэлюлёзна-кардонным камбінаце імаверна загінулі 3 чалавекі, 4 параненыяГэта ня першае здарэньне са сьмяротным вынікам на вытворчасьці з пачатку месяца. 7 чэрвеня на Сьветлагорскім цэлюлёзна-кардонным камбінаце адбыўся выбух: загінулі трое, чацьвёра атрымалі раненьні.
ГЛЯДЗІЦЕ ТАКСАМА:
«Шукаюць не на тым узроўні». Сьветлагорская актывістка называе вінаватых у сьмерці рабочых на кардонным камбінаце