6 чэрвеня Дзьмітры Галаўлёў выходзіў са спэцпрыёмніка пасьля адбыцьця 15 дзён арышту, аднак на выхадзе яго забралі людзі ў цывільным на легкавой машыне і павезьлі ў АУС Паўночнага Чартанава.
Беларуса Дзьмітрыя Галаўлёва, які запусціў у Маскве бела-сіне-белы сцяг, паўторна арыштавалі на 15 сутак. 7 чэрвеня яго прызналі вінаватым у «дэманстрацыі сымболікі экстрэмісцкай арганізацыі» (ч. 1 арт. 20.3 КаАП Расеі), паведамляе «ОВД-Инфо» з спасылкай на грамадзкую абаронцу Варвару Філіпаву.
Раней, 23 траўня, Галаўлёва арыштавалі на 15 дзён «за дробнае хуліганства» (ч. 1 арт. 20.1 КаАП).
- Дзьмітрыя Галаўлёва затрымалі 22 траўня разам з жонкай Юліяй. Паводле вэрсіі абвінавачаньня, сужэнцы запусьцілі ў неба бела-сінія шарыкі з прымацаваным да іх бела-сіне-белым сьцягам у маскоўскім мікрараёне Паўночнае Чартанава. Празь некалькі гадзін іх затрымалі і даставілі ў АУС Усходняга Бірулёва.
- Пазьней стала вядома аб тым, што ў Чартанаўскі раённы суд Масквы паступіў пратакол аб дробным хуліганстве на Дзьмітрыя.
- У суд 23 траўня прыехаў адвакат ад «ОВД-Инфо» Ўладзімір Нёманаў, аднак месцазнаходжаньне яго падабаронных ён ня высьветліў.
- Цяпер Галаўлёву ставяць у віну артыкул аб прапагандзе нацысцкай сымболікі.