Ужо сёньня: апошні горад Беларусі атрымаў магдэбурскае права

Дата дня

2 чэрвеня 1792 году Браслаў атрымаў герб. Гэта быў апошні горад на тэрыторыі сучаснай Беларусі, які атрымаў права на самакіраваньне.

Дзень у гісторыі

1953 — адбылася каранацыя Лізаветы ІІ, якая стала каралевай Вялікай Брытаніі, Канады, Аўстраліі і Новай Зэляндыі.

1962 — у Новачаркаску (СССР) расстралялі дэманстрацыю рабочых супраць падвышэньня цэнаў.

1979 — папа Ян Павал ІІ пачаў свой першы візыт у Польшчу, стаўшы першым папам, які наведаў камуністычную краіну.

У гэты дзень нарадзіліся

1740 — маркіз дэ Сад, францускі пісьменьнік і філёзаф.

1857 — Карл Адольф Гелеруп, дацкі паэт і пісьменьнік, ляўрэат Нобэлеўскай прэміі ў 1917 годзе.

1926 — Пятро Рашэтнік, сябра СБМ, ахвяра палітычных рэпрэсіяў, вэтэран нацыянальнага руху.

1941 — Чарлі Ўотс, бубнач The Rolling Stones.

1942 — Эдуард Малафееў, футбольны трэнэр.

Эдуард Малафееў, 2016 год

У памяці

1863 — пакараны сьмерцю Міхал Цюндзявіцкі, удзельнік нацыянальна-вызвольнага паўстаньня 1863–1864 гг., ахвяра расправы расейскіх калянізатараў.

1882 — памёр Джузэпэ Гарыбальдзі, нацыянальны герой Італіі, генэрал.