У месцы масавых расстрэлаў — урочышчы Курапаты пад Менскам — работнікі, верагодна, лясгаса пашкодзілі драўляныя крыжы, заўважныя і акты вандалізму, напісаў у Facebook Аляксандар Сапега.
Па словах беларуса, ва ўрочышчы працуюць супрацоўнікі лясгаса, яны высякаюць дрэвы, а тыя падаюць на крыжы.
Працаўнікі ля крыжоў у Курапатах
Аўтар заўважыў і акты вандалізму, надпісы на крыжах.
У красавіку ў Курапатах невядомыя апаганілі крыж-помнік беларускаму навукоўцу, аднаму з заснавальнікаў БНР Вацлаву Ластоўскаму, расстралянаму ў канцы 1930-х.
Сапсаваная скульптура ў гонар Вацлава Ластоўскага
Гэта ня першыя акты вандалізму ў Курапатах, дзе ў часы сталінізму праводзілі масавыя расстрэлы, а цяпер стаяць помнік і крыжы памяці рэпрэсаваных. Так, летась скульптуру ў гонар Вацлава Ластоўскага таксама псавалі невядомыя.
ГЛЯДЗІЦЕ ТАКСАМА: «Ня мог уявіць, што ў 72 гады апынуся ў эміграцыі». Размова з дасьледчыкам «віцебскіх Курапатаў» Дзяржаўцавым ГЛЯДЗІЦЕ ТАКСАМА: У «віцебскіх Курапатах» зьнішчылі крыжы, шыльды і ўказальнікі да месцаў расстрэлаў