У суботу, 18 сакавіка, расейскія вайскоўцы абстралялі Краматорск, паведаміў у тэлеграме кіраўнік Данецкай абласной вайсковай адміністрацыі Паўло Кірыленка.
«Як найменей два чалавекі загінулі і пяць атрымалі раненьні ў выніку абстрэлу Краматорска. Гэта апэратыўныя зьвесткі на 17:15. Расейцы абстралялі горад касэтнымі боепрыпасамі, патрапіўшы ў парк Бернацкага і рытуальную службу», — напісаў Кірыленка.
Паводле яго слоў, у выніку нападу пашкоджаныя каля дзесяці жылых дамоў і некалькі аўтамабіляў.
Кірыленка таксама падкрэсьліў, што акупанты кругласутачна б’юць па горадзе.
ГЛЯДЗІЦЕ ТАКСАМА: Расейцы зноў абстралялі цэнтар Краматорску ў Данецкай вобласьці. Ёсьць ахвяры- З самага пачатку поўнамаштабнага ўварваныя Масква адмаўляе мэтанакіраваны ўдар па мірных жыхарах, нягледзячы на наяўнасьць сьведчаньняў і доказаў гэтага.