Экс-дацэнтцы МДЛУ Дулінай прысудзілі 3,5 года зьняволеньня за камэнтар незалежнаму мэдыя

Разгляд крымінальнай справы палітзьняволенай Натальлі Дулінай праходзіў у Менскім абласным судзе з 7 лютага ў закрытым рэжыме.

10 сакавіка ёй прысудзілі 3,5 года зьняволеньня ў калёніі і абвінавацілі паводле двух артыкулаў КК:

• ч. 1 арт. 361-4 («садзейнічаньне экстрэмісцкай дзейнасьці»),
• ч. 1 арт. 342 («арганізацыя і падрыхтоўка дзеяньняў, якія груба парушаюць грамадзкі парадак, або актыўны ўдзел у іх»).

Вырак вынесла судзьдзя Палішчук.

Як стала вядома, Натальля падчас вынясеньня выраку усьміхалася, уяе былі рукі ў кайданках за сьпінай. Яна змагла сказаць: «Прыйдзе вясна!»

Натальлю Дуліну абвінавачваюць у «садзейнічаньні экстрэмісцкай дзейнасьці» (ч. 1 арт. 361-4) і «арганізацыі і падрыхтоўцы дзеяньняў, якія груба парушаюць грамадзкі парадак, альбо актыўным удзеле ў іх» (ч.1 арт. 342 Крымінальнага кодэксу). Ён пагражае да 6 гадоў турмы.

У кастрычніку 2022 году сілавікі паказалі «пакаяльнае відэа», дзе Натальля вельмі годна і спакойна кажа, што давала камэнтар «Эўрарадыё» і ведала, што яно прызнанае экстрэмісцкім.

За інтэрвію нібыта «экстрэмісцкім» СМІ на 5 гадоў асудзілі вайсковага аналітыка Ягора Лебядка і на 2 гады жонку свабодаўца Ігара Лосіка Дар’ю Лосік.

Хто такая Натальля Дуліна

Натальля Дуліна скончыла спачатку Менскі тэхналягічны тэхнікум. Пасьля яго — Менскі лінгвістычны ўнівэрсытэт. Стажыравалася ў Італіі ва ўнівэрсытэце гораду Пэруджы. У Лінгвістычным выкладала італьянскую мову 29 гадоў — да звальненьня восеньню 2020 году з палітычных матываў.

Дуліна лічыцца адным з найлепшых адмыслоўцаў па італьянскай мове ў Беларусі. Яна 29 гадоў выкладала італьянскую мову ў Лінгвістычным унівэрсытэце ў Менску.

У жніўні 2020 году Натальля Дуліна падтрымала пратэсты. 1 верасьня 2020 году выкладчыца адмяніла свае заняткі ў Лінгвістычным.

26 кастрычніка была студэнцкая акцыя каля БДУ, падчас якой Натальлю затрымалі і пасадзілі на 14 сутак. З працы яе пасьля гэтага звольнілі.

Натальля Дуліна — былая дацэнтка катэдры італьянскай мовы МДЛУ, якая падтрымала страйк і студэнтаў-пратэстоўцаў. У 2020 годзе яна адседзела 14 дзён адміністрацыйнага арышту за ўдзел у несанкцыянаваным мерапрыемстве і была звольненая з унівэрсытэту. Агулам з 2020 году яе затрымлівалі шэсьць разоў.

Усяго па адміністрацыйных справах, пачынаючы з 2020 году, Натальлю затрымлівалі 6 разоў, у асноўным на 15 сутак, па надуманых абвінавачваньнях.

3 кастрычніка 2022 году затрымалі ўжо па крымінальнай справе — у кватэру ўварваліся ня менш як 6 сілавікоў са зброяй.

Са жніўня 2020 году яна пасьлядоўна выступае супраць гвалту. Яна падтрымала студэнцкі пратэст супраць фальсыфікацыі прэзыдэнцкіх выбараў 2020 году і жорсткасьці з боку сілавікоў.

Дуліну некалькі разоў затрымлівалі, у кастрычніку 2020 году яе арыштавалі на 14 сутак за падтрымку студэнцкага пратэсту і ўдзел у агульнанацыянальным страйку.

Падчас страйку яна зьвярнулася да студэнтаў у тэлеграм-канале «МДЛУ за свабоду» з заявай ад выкладчыкаў, якія выступаюць за перамены. Пасьля ўдзелу ў страйку дацэнтку звольнілі з МДЛУ. Дуліна лічыцца адным з найлепшых спэцыялістаў па італьянскай мове ў Беларусі.