Генэральны пракурор Андрэй Швед на тэлеканале СТВ расказаў, што ў 2022 годзе Расея ўжо выдала афіцыйнаму Менску 16 беларускіх грамадзян, якіх абвінавачваюць паводле «экстрэміскіх» артыкулаў.
Паводле пракурора, у Беларусі сёлета выявілі больш за 5 тысяч справаў «экстрэміскай скіраванасьці».
Швед сказаў, што ўлады РФ сёлета прынялі 25 «станоўчых рашэньняў» па запытах аб выдачы ў Беларусь і ў найбліжэйшы час маюць выдаць астатніх.
Паводле Шведа, у Казані таксама асудзілі грамадзяніна Расеі за зьнявагу супрацоўніка Міністэрства ўнутраных спраў Беларусі, а агулам у Расеі за «экстрэміцскія» дзеяньні распачалі 6 крымінальных справаў супраць расейскіх грамадзян на запыт беларускіх уладаў.
ГЛЯДЗІЦЕ ТАКСАМА: Расейскі суд пастанавіў экстрадаваць у Беларусь жыхара Воршы Андрэя Рускіх