Аляксандру Калесьнікаву дазволілі ўбачыць дачку і пераканацца, што яна ў парадку. Марыя схуднела, у яе пакуль што мала сілаў.
10-хвіліннае спатканьне праходзіла пад наглядам лекара і супрацоўнікаў калёніі. Марыю яшчэ на выходных перавялі з гомельскага шпіталя хуткай дапамогі ў калёнію — цяпер яна ў мэдычным стацыянары. Яшчэ ня менш як 10 дзён яна будзе пад наглядам лекараў. Дыягназ — прабадная язва, паведамляе тг-канал Віктара Бабарыкі.
Марыя Калесьнікава перадавала падзяку дактарам шпіталя хуткай дапамогі, якія ўратавалі ёй жыцьцё.
Крыніцы Радыё Свабода паведамлялі, што мэдычнаму пэрсаналу шпіталя забаронена нешта расказваць пад пагрозай крымінальнага перасьледу.
ГЛЯДЗІЦЕ ТАКСАМА: Зь лекараў, мэдсясьцёр і санітарак шпіталя, дзе ляжала Калесьнікава, узялі падпіску аб невыдаваньні, пагражалі крымінальным артыкулам