Выраз «рэжым гобліна» азначае «надзвычай эгаістычную мадэль паводзін, якая не прымае грамадзкіх нормаў і чаканьняў, для якой характэрныя лянота, неахайнасьць і прагнасьць», інфармуе выдавецтва.
Упершыню фраза «рэжым гобліна» была выкарыстана ў Twitter у 2009 годзе, але атрымала шырокі распаўсюд у лютым 2022 году на фоне адмены абмежаваньняў з-за пандэміі COVID-19. Выдавецтва мяркуе, што словазлучэньне адлюстроўвае настрой людзей, якія не жадаюць вяртацца да звыклага ладу жыцьця пасьля доўгай самаізаляцыі. У апытаньні goblin mode набраў 49,1% галасоў.
3️⃣Goblin ModeA phrase used to reject returning %27back to normal%27 as we emerged from worldwide #lockdowns. pic.twitter.com/VKlTJ50hid
— Oxford University Press (@OxUniPress) November 22, 2022
Другое месца ў рэйтынгу Оксфардзкага слоўніка заняло слова «мэтасусьветы».
На трэцім месцы знаходзіцца хэштэг #IStandWith («Я падтрымліваю»). Частата яго выкарыстаньня вырасла пасьля нападу Расеі на Ўкраіну. Тады карыстальнікі сацсетак сталі выкарыстоўваць хэштэг #IStandWithUkraine у сваіх запісах у падтрымку Ўкраіны.
ГЛЯДЗІЦЕ ТАКСАМА: Gaslighting — ангельскае «Слова году» паводле вэрсіі слоўніка Merriam-Webster. Што яно азначае ГЛЯДЗІЦЕ ТАКСАМА: „Бульбаш“: ці бяскрыўдная мянушка і ці беларускае гэта слова