«Расея павінна фінансава заплаціць за нанесеныя ёю разбурэньні. Страты, нанесеныя Ўкраіне, ацэньваюцца ў 600 мільярдаў эўра. Расея і яе алігархі павінны кампэнсаваць Украіне страты і пакрыць выдаткі на аднаўленьне краіны. І мы маем сродкі прымусіць Расію заплаціць. Мы заблякавалі 300 мільярдаў эўра рэзэрваў расейскага Цэнтральнага банку і замарозілі 19 мільярдаў эўра грошай расейскіх алігархаў», — сказала фон дэр Ляен.
Russia must pay for its horrific crimes. We will work with the ICC and help set up a specialised court to try Russia’s crimes.With our partners, we will make sure that Russia pays for the devastation it caused, with the frozen funds of oligarchs and assets of its central bank pic.twitter.com/RL4Z0dfVE9
— Ursula von der Leyen (@vonderleyen) November 30, 2022
Яна таксама ацаніла людзкія страты Ўкраіны ў вайне супраць Расеі ў 100 тысяч вайскоўцаў і 20 тысяч цывільных асобаў, паведамляе «Эўрапейская праўда».
«Уварваньне Расеі ва Ўкраіну прынесла сьмерць, разбурэньне і невымоўныя пакуты, мы ўсе памятаем жахі Бучы. Расея павінна заплаціць за свае жудасныя злачынствы. Таму мы прапануем стварыць пры падтрымцы ААН спэцыялізаваны суд для расьсьледаваньня і крымінальнага перасьледу злачынства расейскай агрэсіі, мы гатовыя пачаць супрацоўніцтва з міжнароднай супольнасьцю, каб мець самую шырокую міжнародную падтрымку», — сказала яна.
«Украінская праўда» папрасіла прэс-прадстаўніка Узброеных сіл Украіны Юрыя Сеніка пракамэнтаваць лічбу ўкраінскіх стратаў, агучаную Урзуляй фон дэр Ляен.
«Мы ня можам пацьвердзіць гэтую лічбу, падкрэсьліваем, што страты ўкраінскай арміі зьяўляюцца афіцыйнай інфармацыяй і падлягаюць абмежаваньню на публікацыю. Адначасна, калі тое, што заявіла кіраўніца Эўракамісіі, дазволіць прыцягнуць краіну-агрэсара да адказнасьці, мы можам толькі падтрымаць дзеяньні, якія будуць спрыяць законнаму пакараньню тых, хто зьдзейсьніў генацыд украінскага народу», — сказаў Юрый Сенік.
ГЛЯДЗІЦЕ ТАКСАМА: Генэральны сакратар NATO на саміце альянсу ў Бухарэсьце: «Мы ня можам дазволіць Пуціну перамагчы»