Відэа, апублікаваныя ў сацыяльных сетках 2 кастрычніка, паказваюць унівэрсытэт Шарыф, які традыцыйна зьяўляецца цэнтрам нязгоды з ісламісцкімі ўладамі, акружаны дзясяткамі супрацоўнікаў спэцназу, піша іранская служба Радыё Свабода.
На адным зь відэазапісаў было відаць, як сілавікі ўжываюць сьлезацечны газ, каб выгнаць студэнтаў з унівэрсытэцкага гарадка, пазьней можна пачуць гукі стрэлаў.
Яшчэ адно відэа паказала, як сілы бясьпекі перасьледуюць дзясяткі студэнтаў, якія апынуліся на падземнай паркоўцы ўнівэрсытэту. Імаверна, дзясяткі студэнтаў арыштаваныя.
Іранскія дзяржаўныя СМІ апісалі «паведамленьні аб сутыкненьнях» ва ўнівэрсытэце і заявілі, што міністар навукі краіны наведаў кампус, каб праверыць сытуацыю.
Sharif University - 2 October, 2022Intensive clashes between students/people and repressive forces.#IranProtests2022 pic.twitter.com/m4B4xoUoAe
— IDW_IranBEL (@IDW_IranBEL) October 2, 2022
In the 3rd week of protests, university students across the country boost the level of anti-regime demonstrations.Video shows clashes in the parking lot of Sharif University in Tehran on Oct. 2nd.#OpIran#MahsaAmini#مهسا_امینی#اعتصابات_سراسری pic.twitter.com/ItW3f4vaPo
— Green Party of Iran (@iran_e_sabz) October 2, 2022
Студэнты пратэставалі каля многіх унівэрсытэтаў 2 кастрычніка, а дэманстрацыі прайшлі ў некалькіх гарадах, такіх як Тэгеран, Язд, Керманшах, Санандадж, Шыраз і Мэшхед.
Удзельнікі пратэстаў скандавалі «незалежнасьць, свабода, сьмерць [вярхоўнаму лідэру аятале Алі] Хамэнеі».
Now- #IranProtests2022#Kermanshah (#کرمانشاه), western #Iran.Clashes were reported between locals and regime security forces as protesters chanted: "Shame on you!"#IranRevolution #اعتصابات_سراسریFYI:@deeame @JanaHenk @AnnettaMallon @myflconsultantpic.twitter.com/N55FmJWtZC
— Arash (@arashcaviani) October 2, 2022
Арганізацыя Iran Human Rights, якая базуецца ў Нарвэгіі, у сваёй заяве адзначыла, што «на гэты момант 133 чалавек забілі па ўсім Іране», у тым ліку больш за 40 чалавек загінулі ў сутыкненьнях на мінулым тыдні ў Захедане, сталіцы паўднёва-ўсходняй правінцыі Сыстан-Бэлуджыстан.
Пратэсты па ўсім Іране выкліканыя сьмерцю 22-гадовай Махсы Аміні 16 верасьня пасьля яе арышту тэгеранскай паліцыяй маралі за нібыта «непрыдатнае адзеньне». Пратэстоўцы патрабуюць захаваньня правоў жанчын, а таксама заклікаюць зьмяніць дзяржаўны лад з ісламскай рэспублікі на сьвецкую.
Іранскія сілы бясьпекі адказалі сілай, забіўшы дзясяткі дэманстрантаў і арыштаваўшы некалькі сотняў. Чыноўнікі таксама ўвялі жорсткія абмежаваньні ў інтэрнэце.
ГЛЯДЗІЦЕ ТАКСАМА: Прэзыдэнт Ірану заклікаў да задушэньня пратэстаў, якія ахапілі краіну. Улады блякуюць інтэрнэт, але пратэсты не змаўкаюць ГЛЯДЗІЦЕ ТАКСАМА: У Іране за падтрымку пратэстаў арыштавалі дачку былога прэзыдэнта