Пра гэта на афіцыйнай старонцы ў Twitter паведаміў прадстаўнік Міністэрства замежных спраў Украіны Алег Нікаленка. Ён заявіў, што Расея павінна несьці адказнасьць за спробы зьмяніць міжнародна прызнаныя межы Ўкраіны ў парушэньне Статуту ААН.
Ukraine has requested an urgent meeting of the UN Security Council on Russia’s sham referendums in the occupied territories of Ukraine. Russia must be held accountable for its further attempts to change Ukraine’s internationally recognized borders in a violation of the UN Charter
— Oleg Nikolenko (@OlegNikolenko_) September 24, 2022
Рэфэрэндумы аб выхадзе з Украіны і ўваходжаньні ў склад Расеі пачаліся ў так званых «ЛНР» і «ДНР», і ў частках Херсонскай і Запароскай абласьцей 23 верасьня і маюць доўжыцца пяць дзён. На тэрыторыях галасаваньня адсутнічаюць прадстаўнікі міжнародных СМІ і назіральнікі міжнародных структур. І Ўкраіна, і міжнародная супольнасьць заявілі, што не прызнаюць іх вынікі.
СМІ паведамляюць, што так званыя рэфэрэндумы ва ўкраінскіх рэгіёнах праходзяць з масавымі парушэньнямі рэглямэнту, па-за памяшканьнямі для галасаваньня, без захаваньня тайны галасаваньня і пад кантролем узброеных людзей.
Многія экспэрты асьцерагаюцца, што вынікі так званых рэфэрэндумаў будуць сфальсыфікаваныя, і адразу пасьля іх заканчэньня — 29-30 верасьня — Расея можа абвясьціць гэтыя рэгіёны часткай сваёй тэрыторыі, што дазволіць ёй аб’явіць ваеннае становішча ў краіне і ўзмацніць ваенную агрэсію ажно да магчымасьці прымяніць ядзерную зброю.
ГЛЯДЗІЦЕ ТАКСАМА: Што будуць рабіць ЗША і NATO, калі Расея скарыстае ядзерную зброю? Думкі пра непамыснае