Пра затрыманьне дызайнэра, рэкляміста, выдаўца Анатоля Лазара паведаміў у сацыяльных сетках маладачанскі праваабаронца Аляксандар Капуцкі.
Анатоль Лазар, вядомы пад творчым псэўданімам Wiecier Mechaniczny, — сузаснавальнік і выдавец музычнага інтэрнэт-парталу «Тузін Гітоў», быў партнэрам і кіраўніком менскай студыі рэклямы і дызайну «Адліга».
Вядома, што адбыўся ператрус, у дызайнэра забралі кампутар і тэлефон. Цяпер Лазар знаходзіцца ў ЦІПе. Чакаецца, што суд над ім адбудзецца ў панядзелак.
Анатоля Лазара ўжо затрымлівалі ў студзені 2021 году, калі адбываліся арышты кнігавыдаўцоў.