«Сёньня дзесяць палітзьняволеных прыгаварылі разам да 94 гадоў зьняволеньня, адзначыла Ціханоўская ў заяве, разьмешчанай у яе тэлеграм-канале. — Адразу пасьля прысуду пачаліся затрыманьні — былі арыштаваны сваякі асуджаных, праваабаронцы і нават дыпляматы з ЭЗ».
Пры гэтым, працягнула Ціханоўская, «рэжым гаворыць пра магчымыя амністыі, адначасова з гэтым набіраючы новых закладнікаў для гандлю і абмяркоўваючы пляны ў пазбаўленьні беларусаў грамадзянства, што супярэчыць Канстытуцыі Беларусі».
«Мы шчасьлівыя кожнаму, хто выходзіць на волю. Але ня будзем дзякаваць тым, хто сам зладзіў пекла для людзей — і потым вырашыў яго спыніць, — заявіла палітык. — Тое, што людзі незалежна ад сваіх палітычных меркаваньняў знаходзяцца на волі, павінна быць нормай, а не «падарункам».
На яе думку, Аляксандар Лукашэнка «пачынае размовы пра амністыю толькі тады, калі спрабуе гандлявацца закладнікамі дзеля зьняцьця санкцый». «Мы не дазволім гэтага зрабіць. Мы ведаем сапраўдны твар гэтай сыстэмы».
Ціханоўская перакананая, што з палітвязьняў выйсьці павінны не асобныя людзі, а «абсалютна ўсё».
ГЛЯДЗІЦЕ ТАКСАМА: Вынесьлі выракі Рабковай, Францкевічу і яшчэ васьмі палітвязьням: да 17 год зьняволеньня, агулам на 94 гады турмы ГЛЯДЗІЦЕ ТАКСАМА: «Вясна»: Пасьля суду па справе «Рэвалюцыйнага дзеяньня» затрымалі праваабаронцу Насту Лойку, сваякоў вязьняў, дыпляматаў ГЛЯДЗІЦЕ ТАКСАМА: «Бандыты і экстрэмісты ня з гэтай сэрыі». Лукашэнка правёў нараду аб амністыі і пазбаўленьні грамадзянства тых, хто «ўцёк за мяжу» ГЛЯДЗІЦЕ ТАКСАМА: Пробліск літасьці пасярод лявіны рэпрэсій. Навошта Лукашэнку амністыя?