У Барысаве 18 ліпеня пасьля ператрусу затрымлівалі Вольгу Ліс, паведамляе «Вясна». Раней, 14 ліпеня, затрымалі мужа Вольгі Алеся, якога пазьней у адміністрацыйным парадку арыштавалі на 10 дзён.
Спачатку Вольгу Ліс выклікалі ў аддзяленьне міліцыі, дзе дапыталі пра ўдзел у акцыях пратэсту, маўляў, выкрыквала лёзунгі, размахвала сьцягам. Жанчына адказала, што ў гэты час яна якраз была на працы.
Вядома, што пасьля допыту Вольгу адпусьцілі дадому.
ГЛЯДЗІЦЕ ТАКСАМА: Хроніка перасьледу 19 ліпеня: Судзяць былога супрацоўніка КДБ з «тэрарыстычнага сьпісу»; у Магілёве і Баранавічах затрымалі лекараўЧарговыя затрыманьні ў Мазыры
Праўладныя тэлеграм-каналы паведамляюць, што «супрацоўнікі ГУБАЗіК сумесна з байцамі АМАП працягваюць ачыстку Мазыра ад экстрэмістаў, нацыстаў, каляфутбольных фанатаў і іншых малапрыемных элемэнтаў».
Праваабаронцам вядома, што сярод затрыманых 17-гадовы Данііл Даніленка, Дзяніс Кажэўнікаў, Аліна Чопік і яшчэ адзін хлопец. На «пакаяльных» відэа маладыя людзі гавораць, што былі падпісаныя на «экстрэмісцкія» тэлеграм-каналы.
ГЛЯДЗІЦЕ ТАКСАМА: 8 гадоў калёніі прысудзілі жыхару Мазыра са сьпісу «тэрарыстаў»