Згодна з рашэньнем Астравецкага раённага выканаўчага камітэту ад 24 чэрвеня, цяпер дзяржаўная ўстанова культуры называецца «Астравецкая раённая бібліятэка імя Адама Іосіфавіча Мальдзіса».
Пра гэта ў фэйсбуку паведаміў сын гісторыка беларускай літаратуры Яраслаў Мальдзіс.
Адам Мальдзіс памёр сёлета 3 студзеня на 90-м годзе жыцьця. 5 студзеня разьвітаньне зь ім адбылося ў Чырвоным касьцёле ў Менску. А пахавалі яго на радзіме ў вёсцы Задворнікі Астравецкага раёну.
ГЛЯДЗІЦЕ ТАКСАМА: У Менску разьвіталіся з Адамам Мальдзісам. ФОТААдам Мальдзіс — доктар філялягічных навук, аўтар унікальных дасьледаваньняў у галіне гісторыі беларускай літаратуры. У 1962–1991 гадах працаваў у Інстытуце літаратуры АН БССР. Быў стваральнікам і дырэктарам Нацыянальнага навукова-асьветнага цэнтру імя Францішка Скарыны.
ГЛЯДЗІЦЕ ТАКСАМА: Тытан сучаснага беларускага Адраджэньня, чалавек-энцыкляпэдыя. Вядомыя беларусы пра Адама Мальдзіса ГЛЯДЗІЦЕ ТАКСАМА: Калі Адам Мальдзіс ня быў акадэмікам, значыць, у Беларусі няма Акадэміі навук