Прэзыдэнт Украіны Ўладзімір Зяленскі даручыў прэмʼер-міністру Дзянісу Шмыгалю «прапрацаваць» увядзеньне візавага рэжыму для грамадзян Расеі. Пра гэта гаворыцца ў яго адказе на электронную пэтыцыю, якая была апублікаваная на афіцыйным інтэрнэт-прадстаўніцтве прэзыдэнта Ўкраіны.
«На фоне поўнамаштабнай расейскай агрэсіі ўзьнятае пытаньне важнае і актуальнае, таму неабходнасьць узмацненьня рэжыму кантролю за ўездам грамадзян РФ на тэрыторыю Ўкраіны падтрымліваю. З улікам выкладзенага прэмʼер-міністру Ўкраіны Д. Шмыгалю накіраваны адпаведны ліст з просьбай прапрацаваць названае пытаньне», — гаворыцца ў паведамленьні.
Пэтыцыя набрала больш за 25 тысяч подпісаў, неабходных для разгляду пытаньня прэзыдэнтам.
ГЛЯДЗІЦЕ ТАКСАМА: Бітва за Данбас, абстрэлы Запарожжа, Крывога Рогу, Мікалаева. 91-ы дзень вайны Расеі супраць Украіны