Вынікі маніторынгу пакараньняў за нацыянальную сымболіку за 2021 год: 2589 сутак.
У Беларусі ў 2021 годзе за выкарыстаньне бел-чырвона-белай сымболікі пакаралі 323 грамадзян і 3 арганізацыі.
Як паведамляе Беларускі ПЭН, сумарна ўсе пакараныя правялі за кратамі як мінімум 2589 сутак, што адпавядае сямі гадам, і аштрафаваныя на 53 000 эўра.
У прыватнасьці, гаворка ідзе аб выкарыстаньні бел-чырвона-белых сымбаляў і варыяцый белага і чырвонага колераў у адзеньні, малюнках, налепках і іншым.
Нацыянальны сьцяг Беларусі з 1991 да 1995 году быў дзяржаўным, пасьля прыходу да ўлады Лукашэнка замяніў яго на мадыфікаваны савецкі сымбаль, а за выкарыстаньне нацыянальнай сымболікі ў Беларусі караюць, асабліва жорстка пасьля масавых пратэстаў 2020 году.
ГЛЯДЗІЦЕ ТАКСАМА: Міжнародны дзень салідарнасьці зь Беларусьсю: бел-чырвона-белая сымболіка ў Рызе і Дніпры ГЛЯДЗІЦЕ ТАКСАМА: «Хацела паглядзець, колькі беларусаў у нас». Гісторыя 78-гадовай жыхаркі Менску, якая выйшла на Дзень Волі зь бел-чырвона-белым сьцягам ГЛЯДЗІЦЕ ТАКСАМА: «Майстроўня», «Талака», «Тутэйшыя», часопіс «Бурачок» і марш у Курапаты. Нацыянальны рух у Беларусі напярэдадні распаду СССР