Ужо сёньня: 30 гадоў таму БНФ перадаў у ЦВК 446 061 подпіс за рэфэрэндум аб датэрміновых выбарах Вярхоўнага Савету

Гэты дзень у гісторыі

1204 — захоп і рабаваньне Канстантынопалю ўдзельнікамі Чацьвёртага Крыжовага паходу.

1943 — паведамленьне бэрлінскага радыё аб знойдзеных у Катынскім лесе масавых пахаваньнях польскіх афіцэраў. Паведамлялася, што катынскі расстрэл быў зроблены НКВД увесну 1940 году.

1962 — першы выступ The Beatles у «Star Club».

The Beatles, вокладка альбому Sgt.Pepper's Lonely Hearts Club Band

1991 — утвораныя Менска-Магілёўская архідыяцэзія і Горадзенская дыяцэзія.

1992 — ініцыятыўная група перадала ў Цэнтральную выбарчую камісію 446 061 подпіс за рэфэрэндум аб датэрміновых выбарах Вярхоўнага Савету Беларусі. Але кіраўніцтва Вярхоўнага Савету адмовілася ўрэшце праводзіць рэфэрэндум.

Вера Чуйко, Уладзімер Анцулевіч і Зянон Пазьняк перад здачай подпісаў за рэфэрэндум у ЦВК, 13 красавіка 1992. Фота газэты «Свабода»

Кнігу Сяргея Навумчыка «Дзевяноста другі», якая выйшла ў Бібліятэцы Свабоды, можна спампаваць тут.

У гэты дзень нарадзіліся

1743 — Томас Джэфэрсан, трэці прэзыдэнт ЗША.

1871 — Юры Матулевіч, рымска-каталіцкі рэлігійны дзеяч Заходняй Беларусі і Літвы, блаславёны.

1906 — Сэмюэль Бэкет, ірляндзкі драматург, празаік і паэт, прадстаўнік тэатру абсурду, ляўрэат Нобэлеўскай прэміі па літаратуры.

1963 — Гары Каспараў, савецкі і расейскі шахматыст і палітык, 13-ы чэмпіён сьвету па шахматах.

У памяці

1695 — Жан дэ Ляфантэн, францускі паэт-баечнік.

2015 — Гюнтэр Грас, нямецкі пісьменьнік, ляўрэат Нобэлеўскай прэміі па літаратуры.