25 сакавіка Лукашэнка сабраў нараду аб працы дзяржаўных СМІ. Іншых у Беларусі амаль не засталося.
Ён паставіў задачы дзяржаўнымі СМІ ў «глябальнай інфармацыйнай вайне». Паводле яго, таксама трэба абмеркаваць блякаваньне YouTube і замежных сацсетак.
«Як бы ні было цяжка, вы павінны ня толькі ўтрымліваць фокус увагі аўдыторыі, адукоўваць, тлумачыць, падтрымліваць, але і думаць аб уласным разьвіцьці», – сказаў ён, перадае яго прэс-служба.
Лукашэнка падкрэсьліў, што прайграць інфармацыйную вайну нельга.
Адным з напрамкаў працы можа стаць блякаваньне замежных сетак. Паводле Лукашэнкі, гэта ўжо зрабілі ў Расеі, магчыма, варта зрабіць тое ж самае ў Беларусі або закрыць інтэрнэт кітайскім «залатым шчытом».
ГЛЯДЗІЦЕ ТАКСАМА: Завод «БелДжы» абверг інфармацыю аб закрыцьці ў Беларусі, вытворчасьць прыпыненая з прычыны лягістычных цяжкасьцей