«Экс-прэзыдэнты Армэніі Робэрт Качар’ян і Сэрж Саргсьян прыцягнутыя да крымінальнай адказнасьці паводле адпаведных артыкулаў Крымінальнага кодэксу, абвешчаны іх вышук».
Пра гэта заявіў начальнік аддзелу спэцыяльных расьсьледаваньняў вайсковай пракуратуры Азэрбайджану Эміль Тагіеў.
Ён сказаў, што зь лютага 1988 году Качар’ян і Саргсьян з мэтай распальваньня нацыянальнай варожасьці, нянавісьці паміж азэрбайджанскім і армянскім народамі зьбіралі і праводзілі ў Карабаху сходы работнікаў армянскай нацыянальнасьці ў арганізацыях і ўстановах.
ГЛЯДЗІЦЕ ТАКСАМА: Экс-прэзыдэнт Арменіі — пра Нагорны Карабах, Крым і санкцыі супраць Расеі«Паколькі яны прапагандуюць, што Карабах належыць армянам і ў ім павінны жыць толькі армяне, а таксама заклікаюць да высяленьня азэрбайджанцаў з гэтай тэрыторыі, падпалу іх дамоў, яны былі прыцягнутыя да крымінальнай адказнасьці паводле адпаведных артыкулаў Крымінальнага кодэксу і абвешчаны іх вышук», — заявіў Тагіеў.